Курдж хэгъэгум икъэлашъхьэ Тбылыс мы мафэхэм дунае джуду зэнэкъокъухэр щэкIох. Ащ килограм 66-рэ къэзыщэчъыхэрэм якуп щыбэнагъ Адыгэ джудуакIо Нэгъуцу Абрек ыкIи апэрэ чIыпIэр къыхьыгъ, дышъэ медал къыфагъэшъощагъ.
Курджым щыкIорэ зэнэкъокъур гъэтхапэм и 21-м щегъэжьагъэу и 23-м нэс щыIэщт. Ащ Урысые Федерацием ибэнакIо 25-рэ хэлажьэ. Ахэм нэгъуцу Абреки ахэт.
Comments
Post a Comment