СамбэмкIэ Асиемрэ Океаниемрэ ячемпионат мэлылъфэгъум и 14-м щегъэжьагъэу и 18-м нэс Узбекистан икъэлэ шъхьаIэу Ташкент щыкIуагъ.
Я 14-у зэхащэгъэ зэнэкъокъум къэралыгъо 25-мэ ялIыкIохэр хэлажьэх, хагъэунэфыкIырэ чIыпIэхэм афэбанэх.
Адыгэ къэралыгъо университетым и Мыекъопэ гуманитар-техническэ колледж истудентэу ЛIыбзыу Заур зэнэкъокъум Иорданиер къыщигъэлъэгъуагъ.
Ащ Мыекъуапэ зыщегъасэ, итренерыр Бастэ Сэлым.
Заур килограмм 79-м нэс къэзыщэчыхэрэм якуп щыбэнагъ ыкIи тыжьын медаль къыхьыгъ.
Ащ ишIуагъэкIэ, самбэмкIэ ныбжьыкIэхэм азыфагу щызэхащэщт Дунэе чемпионатым хэлэжьэнэу фитыныгъэ къыдихыгъ. Заур дунэе мэхьанэ зиIэ зэнэкъокъухэм апэрэу мыщ фэдэ гъэхъагъэ ащишIыгъ, мы спорт лъэпкъымкIэ Иорданием мыр иапэрэ медаль.
👏👏👏💪💪💪
ReplyDelete