Къэбэртэе-Бэлъкъар Республикэм и ЛӀышъхьэу КӀокӀо Казбек илъэс къэс зэрихабзэу «ЗанкIэ ЗэдэгущыI» зыфиӀорэр ышӀи, республикэм щыпсэухэрэм яупчӀэхэм джэуапхэр аритыжьыгъэх, къэбарлъыгъэӀэс агентствэу РИА «Кабардино-Балкария» зыфиӀорэм къегъаӀо.
ИлъэсыкӀэм ыпэкӀэ цӀыфхэм адыриӀэ зэдэгущыӀэгъур сыхьатитӀо кIуагъэ.
«ЗанкIэ ЗэдэгущыI»-м республикэм ипащэ цӀыфхэм яупчӀэхэм джэуапхэр аритыжьыгъэх ыкIи чылагъо фэӀо-фашӀэхэм, псауныгъэр къэухъумэгъэным, гъэсэныгъэм, Къэбэртэе-Бэлъкъарым изекӀошӀэныгъэ амалхэм яхэхъоныгъэ афэгъэхьыгъэ Ӏофыгъохэм игъэкӀотыгъэу къатегущыӀагъ.
Унэе упчӀэхэм, къызэраӀуагъэу, ытIанэ шъхьафэу ахэплъэщтых.
Зэфэхьысыжьхэр ышӀыхэзэ, КӀокӀо Казбек уасэ нэхьышъхьэхэр къыхигъэщыгъ. «ИлъэсыкӀэм нэхьышъхьэ дэдэу щытыр мамырынгъэ щыIэныр ары, псэуныгъэ тэри тиныбжъыкIэми яIэныр ары. КъаӀэтыгъэ Ӏофыгъо пстэур зэшIотхын тлъэкIыщт. Ти республикэм нэхь лъапӀэ дэдэу иӀэр лъэпкъ зэгурыӀуэныгъэрэ дин зэгурыӀуэныгъэрэ арых», — къыIуагъ КӀокӀом.
Comments
Post a Comment