"Сыбзэ Сидунай" зэнэкъокъум шъухэлажьэнэу шъукъеблагъ

 


Купэу «Гухэлъ - Gukhel»-рэ Адыгэ республикэ кIэлэцIыкIу тхылъеджа­пIэмрэ яегъэжьэнкIэ, Адыгабзэр зикIасэхэр нахьыбэ хъуным фэгъэхьыгъэ зэнэкъокъоу «Сыбзэ сидунай» зыфиIорэр зэхащагъ. Илъэси 3 зыныбжьым къыщегъэжьагъэу илъэс 14-м нэс зэнэкъокъум хэлэжьэнхэу къырагъэблагъэх.

Зэнэкъокъум усэ е тхыдэжъ ипычыгъо IупкIэу, зэгъэфагъэу укъеджэн фаеу къыде­лъытэ.

Зэнэкъокъум хэлажьэ зышIоигъохэм видео тырахын фае. Ащ ятхыдэ кIэкI, ацIэ, алъэкъуацIэ, зыщеджэхэрэр, зыщыпсэухэрэр къыщаIотэщт ыкIи усэ е тхыдэжъ цIыкIум къыщеджэщтых. Видеор зыфэдэн фаер Адыгэ республикэ кIэлэцIыкIу тхылъеджапIэм исайты ит: https://clck.ru/33KX7e  .

УпчIэ зиIэхэр зэхэщакIохэм ямэкъэфынхэу 8-8772-56-00-67  е 8-8772-57-17-46 теонхэ алъэ­кIыщт.

КIэлэцIыкIухэм аныбжь елъы­тыгъэу купищэу гощыгъэщтых, куп пэпчъ апэрэ чIыпIищыр къэзхьыхэрэм шIухьафтынхэр аратыщт.

Видеохэр мэзаем и 21-м (21.02.2023) блэмыкIэу e-mail: kon­kurs­sybze0I@yandex.ru зыфиIорэм рагъэхьын фае. ТекIоныгъэ къыдэзыхыгъэхэр гъэтхапэм и 14-м (14.03.2023), 2023-рэ илъэсым Адыгэ республикэ кIэлэцIыкIу тхылъеджапIэм щагъэшIощтых.

Зэнэкъокъум изэхэщэнкIэ Адыгэ Республикэм культурэмкIэ и Министерствэ IэпыIэгъу къа­фэхъу.




Comments