Мыекъуапэ, 13.02.2023, Адыгэ Макъ - Адыгэ Республикэм инахьыжъхэм я Советрэ иветеранхэм я Советрэ ахэтхэм лъэшэу гухэкIышхо ащыхъугъ Тыркуемрэ Шамрэ чIыгур къызащэсысым кIэух тхьамыкIагъохэр зэрэфэхъугъэхэм фэгъэхьыгъэ къэбарыр. Нэбгырэ мин пчъагъэ ащ хэкIодагъ, минипшI пчъагъэ фыкъуагъэ хъугъэ ыкIи зэрысынхэ унэ ямыIэжьэу къэнагъэх.
Тыркуемрэ Шамрэ ащыпсэухэрэм якъин адэтэгощы ыкIи зигупсэхэр, зиIахьылхэр чIэзынагъэхэм, зыдэхъугъэр амышIэу кIодыгъэхэм къарыкIуагъэм лъэшэу ыгъэгумэкIыхэрэм язытет икъоу къыдгурэIо. Тхьэм телъэIу а тхьамыкIагъом хэкIодагъэхэр джэнэтым ригъэхьанхэу, фыкъуагъэхэм япсауныгъэ зыпкъ ригъэуцожьынэу ыкIи гугъу хэтхэр ыгъэрэхьатынхэу.
Адыгэ Республикэм инахьыжъхэм я Советрэ иветеранхэм я Советрэ ахэтхэм Адыгеимрэ Краснодар краимрэ ащыпсэурэ быслъымэнхэм я ДиндэлэжьапIэу ахъщэм иугъоин, зэрар зыхьыгъэхэм IэпыIэгъу ятыгъэным кIэщакIо фэхъугъэм дырагъаштэ.
Н. ГъукIэлI.
Нахьыжъхэм я Совет итхьамат.
А. Къуаджэ.
Ветеранхэм я Совет итхьамат.
Comments
Post a Comment