Ӏашэхэр нахь макӀэ шӀыгъэнхэмкӀэ Америка Зэгот Хэгъэгухэмрэ Урысые Федерациемрэ зэзэгъыныгъэу азыфагу илъыгъэр мэзаем и 5-м ыухыгъ, ащ кӀырагъэшӀыжьыгъэп.
Америка Зэгот Хэгъэгухэмрэ Урысыемрэ азыфагу щыӀэ Стратегическэ Ӏашэхэм ягъэмэкӀэн фэгъэхьыгъэ зэзэгъыныгъэм пӀалъэу иӀэр нахьыбэ шӀыгъэным Америкэм и Президентэу Дональд Трамп пэуцужьыгъ, ащ ичӀыпӀэ зыригъэуцощт зэзэгъыныгъэ ашӀынэу къыхилъхьагъ. 2010-рэ илъэсым Президентхэу Барак Обамэрэ Дмитрий Медведевымрэ зэзэгъыныгъэу зэдашӀыгъэм къэралитӀум азыфагу стратегическэ ядернэ Ӏашэу щыӀэр зыфэдизыр ыгъэнэфэщтыгъэ.
"Ар агъэкIэжъыным ычӀыпӀэкӀэ, тиспециалистхэм илъэс пчъагъэхэм кӀуачӀэ зиӀэщт зэгурыIоныгъэ шӀыгъэн фае, нахьышӀу хъугъэу, джырэ уахътэм диштэу агъэпсын фае", къыхигъэщыгъ америкэм ипрезиденты.
Comments
Post a Comment