Мэзаем и 13-м, 2026-рэ илъэсым, Кыргызстан икъэлэ шъхьаӀэу Бишкек бэнэныгъэмкӀэ организациеу Дунае Спорт Платформым (Universal Sports Platform (USP)) зыфиӀорэм иапэрэ зэнэкъокъу щыкӀуагъ.
Шъхьафит бэнэнымкӀэ зэнэкъокъур Гран-при шӀыкӀэм тетэу онтэгъуи 5-мэ ащызэхащагъ. Категорие пэпчъ апэрэ чӀыпӀэр къыщыдэзыхыщтхэм ябгырыпххэр бэнакӀохэу 4-мэ ащызэхафыгъэх, апэ финал ныкъохэм щыбэнагъэх, етӀанэ ахэм къатекӀуагъэхэр финалым щызэбэныгъэх.
ЗэӀухын зэнэкъокъум хэлэжьагъэхэм ащыщ Къэбэртэе-Бэлъкъар Республикэм щыщ адыгэ бэнакӀоу Щырыу Иналбк (кг 70-рэ) лигэм ичемпион цӀэ къыдихыгъэу ядэжь къэкӀожьыгъ.
Москва хэкум илӀыкӀоу Щырыу Иналбек финалым иныкъо ешӀэгъум дунэе чемпионэу Японием щыщ Йосиносуке Аояги (6:0) текӀуагъ, хэушъхьафыкӀыгъэ (финал) зэӀукӀэгъум Осетием щыщ дунэе ыкӀи Европэ чемпионэу Давид Баевыр (6:3) текӀуагъ.
Comments
Post a Comment