Германием ифедеральнэ хэгъэгушхоу Баден-Вюртемберг ипарламент ихэдзынхэм Адыгэ лъэпкъым къыхэкӀыгъэ политикэшхоу Джем Оздемир (@cem.oezdemir) зипэщэ Партиеу «ШхъуантӀэхэм» апэрэ чӀыпӀэр къащыдихыгъ, къегъаӀо Адыгэ Медием (@circassian_media_).
Ятэ-янэхэр Тыркуем щыщ адыгэх, ежь Германием къыщыхъугъ. Зэрэадыгэр бэрэ къыхигъэщы.
Илъэсхэм къакӀоцӀ Бундестагыми, Европэ Парламентыми депутатэу ахэтыгъ. 2021-рэ илъэсым къыщегъэжьагъэу Германием гъомылапхъэхэмкӀэ ыкӀи мэкъу-мэщымкӀэ иминистрэу щыт.
ШъыпкъэмкӀэ, Баден-Вюртемберг ипремьер-министрэ коалицие зэхащагъэу парламентым хадзы, ау парти ШхъуантӀэхэм текӀоныгъэ къызэрадахыгъэм фэшӀ ащ икандидат шъхьаӀэхэм ащыщ хъугъэ Оздемир.
Германием ичӀыналъэ анахь инхэм ыкӀи экономикэ хэхъоныгъэ анахь зышӀыгъэхэм ащыщ Баден-Вюртемберг, икъэлэ шъхьаӀэр Штутгарт.
Видеоу ихэ чIэтым Джем Оздемир адыгэ лъэпкъ гъэкIодым къытегущыIэ.
Comments
Post a Comment