Сирием ихэщыпыкIыгъэ куп хэт Адыгэ зэщыпхъуищым — Осман Мэрэхь, Осман Масэ, Осман Мэяс — ныбжьыкӏэхэм каратэмкӏэ Асием ичемпионат медальхэр къыщыдахыгъэх. Зэнэкъокъур Iоныгъум и 8-м щегъэжьагъэу и 11-м нэс къалэу Амман (Иорданием) щыкӏуагъ.
Илъэс 18-м нэс зыныбжьхэм (килограмм 53-м нэс къэзыщэчыхэрэм) Осмэн Мэрэхь джэрз медалыр къащыдихыгъ.
Илъэс 21-м нэс зыныбжьхэм (килограмм 50-м нэс къэзыщэчыхэрэм) Осмэн Масэ джэрз медалыр къащыдихыгъ.
Илъэс 16-м нэс зыныбжьхэм (килограмм 54-м нэс къэзыщэчыхэрэм) Осмэн Мэяс джэрз медалыр къащыдихыгъ.
КъэIогъэн фае, Сирие республикэм Адыгэ мин 200-м нахьыбэ щэпсэу. Ахэр Сирием ит къалэ инхэм адсых ыкIи Адыгэ къуаджэ 20-м фэдизым адэсых. мы аужырэ илъэсхэм адыгэ спортмен ныбжьыкӏэхэм Сирием испорт чемпионат зэфэшъхьафхэм медальхэр къащыдахых, анахьэу джиу-джитсу, теннис, нэмыкӏхэри ары.
Marah Othman
Massa Othman
Meyas Othman
Comments
Post a Comment