Элиф Эральп партиеу «Сэмэгу Парти» зыфиӏорэм и берлин къутамэ ипащ; германием иканцлер Фридрих Мерц Чыристан-демократиt зэгохьангъи (ХДС-ри) зэрахэтэу, адрэ политикэ кӏуачӏэхэм зэкӏэми апэ ишъыгъ партием ымакъэ процент 24-рэ къыхьыгъ. Еплъыкӏэхэмкӏэ къыпэблэгъэ партиехэм адыриӏэгъэ зэгурыIоныгъэм ишӏуагъэкӏэ Берлин изэгот правительствэ зэхищэн амал иӏэ хъугъэ.
Эральп Элиф 1981 гъэм Германием къыщыхъугъ. Ащ янэ — ятэхэр адыгэх (абдзаххэм ясубэтнос щыщых) Тыркуем къикӏыгъэх; яунагъо къызхэкӏыгъэр Кайсери шъолъырым ит адыгэ къуаджэу Панлы ары. Ахэр Германием 1981 — рэ илъэсым-Элиф ащ къызыщыхъугъэ илъэс дэдэм къэкощыжьыгъэх.
Берлин Федератив Республикэу Германием хэт Хэгъэгу (чӏыгу) статус иӏ (хэгъэгум ифедерал хэгъэгу 16-мэ ащыщ). Тхьэматэ (Бургомистр) тетыгъор зыӏыгъым иӏэнатӏэ функциитӏу зэфещэ: Берлин хэгъэгум ипащэрэ Берлин къалэм ипащэрэ, ари Германием икъалэ шъхьаIэу щыт.
Берлин идепутатхэм я палатэ (я 20-рэ зэӏугъэкӏэгъум) ихэдзынхэр 2026-рэ илъэсым Iоныгъум и 20-м щыӏагъэх.
Comments
Post a Comment