Берлин щыкӏогъэ хэдзынхэм ауж тхьамэфиплӏ фэдиз тешӏагъэу къихьащт илъэсиплӏым Германием Сэмэгу партие, Уцышъо партие ыкIи Чылагъо-демократие партие зэхэтхэу Берлин агъэӏорышӏэн алъэкӏыщт. Мыщ дэжьым берлин икъотамэ «Сэмэгу парти» ипащэу Эральп Элиф къалэм ибургомистрэу тетыгъор зыӏыгъым иӏэнатӏэ ыубытын ылъэкӏыщт. Ащ фэгъэхьыгъэу DW къеты.
Блэкӏыгъэ зыгъэпсэфыгъо мафэхэм партиищым пэшӏорыгъэшъ зэдэгущыIэгъухэр аухыгъэх ыкӏи коалицием игъэпсынкӏэ зэдэгущыӏэгъухэр рагъэжьэнхэу официальнэу зэзэгъыгъэх.
Къэбарлъыгъэӏэс агентствэхэм къызэратырэмкӏэ, чъэпэогъум и I9-м пчыхьэм ехъулIэу Чылагъо-демократие партием и Берлин къотамэ а лъэбэкъум дыригъэштэгъах. А мэфэ дэдэм» Уцышъо партием изэхэсыгъо мэкъэтынымкIэ инахьыбэм инахьыбэм куалицием хэхьэнхэ изэдэгущыIэгъухэм дырагъэщтагъ. Ежь Сэмэгу партием тхьамэфитӏу зытешӏэкӏэ зэхэсыгъо иIэщт куалицие зэдэгущыIэгъухэм пае унашъо ащтэным пае. Ащ ыуж Сэмэгу партием 2026-рэ илъэсым шэкIогъу мазэм правительствэр зэхищэн ылъэкӏыщт.
Эральп Элиф I98I гъэм Германием къыщыхъугъ. Ащ янэ — ятэхэр адыгэх (абдзах субэтнос щыщых) Тыркуем къикӏыгъэх; яунагъо къыздэкӏыгъэр Кайсери шъолъырым ит адыгэ къуаджэу Панлы ары. Ахэр Германием I98I — рэ илъэсым-Элиф ащ къызыщыхъугъэ илъэс дэдэм Германием къэкощыжьыгъэх.
Comments
Post a Comment