Сурэтым Адыгэ федерацием (Тыркуе) ипащэхэр щытэлъэгъух зичэзыу зэӏукӏэу Бэщ Нусрэт зипащэм. Арэу щытми, адрэ быракъхэр зэкӏэ мы зэӏукӏэгъум зэрэхэтхэр къыдгурыӏорэп.
Адыгэ федерацэкӏэ шъузэджэжьмэ, шъуизэӏукӏэгъухэм быракъ закъоу ахэлъын фаер Адыгэ быракъыр ары. Тыркуем тетыгъо зиӏэхэм тырку быракъри жъугъэуцунэу шъурагъэзымэ, — хэдэн зэрэшъуимыӏэм пае-ар шъушӏэн фаеу щыт. Ау тыркуем тетыгъо зиӏэхэм ащ фэдэ пшъэрылъ ямыӏэмэ, зы быракъ закъу ныӏэп бгъэфедэн фаер- Адыгэ быракъэр ары.
Адрэ быракъитIур щытынхэу ищыкIагъэп. Адыгэ федерациекIэ узэджэжьымэ Адыгэ быркъыр ары бгъэфедэщтыр.
Ыпэрэ тхыгъэм къыщыхэдгъэщыгъ адыгэхэм политикэ шIэныгъэ зэрафимыкъурэр - ащ дакӏоу дунэе лъэгапӏэм имызакъоу, чӏыпӏэ лъэгапӏэми яIэп. Мы сурэтым къегъэшъыпкъэжьы мы федерацием ипащэхэм политикэ ыкӏи гупщысэ (идеологие) шIэныгъэу аӏэкӏэлъыр зэримыкъурэр. Мыщ фэдэ сурэтым къикIырэр: Адыгэхэр зы быракъэп яIэр, нэмыкI быракъэхэр яIэх ыкIи ахэмэ уафэлэжьэн фаеу къекIы. Мыщ фэдэ зекIукIэхэр делагъэ.
Comments
Post a Comment