Нэбгырэ минишъэ пчъагъэ зыукӏыгъэ мафиоз-фашист хэгъэгум илӏыкӏохэр шъумыштэх

 

Мы сурэтым сыда щытлъэгъурэр?

Напсо Закарие зипэщэ Кфар-Камэ и совет хэтхэмрэ иӏофышӏэхэмрэ Урысыем илӏыкӏоу Израиль щыӏэм шӏуфэс рахы — шӏуфэс къодыеп, щытхъу хэлъэу рагъэблагъэ.

Мыщ фэдэхэр зыплъэгъукIэ лъэщэу укъегъэгубжьы. Хэгъэгу мафие ыкIи фашист шIыкIэм тетэу, Адыгэ хэкум щыIэ Адыгэхэм яфитыныгъэхэр ыукъоу, хэхэсым щыIэхэр яхэку къаримыгъэзэжьэу ыкIи мамыр хэгъэгу Украинэм зэо ришIылъэу, лажьэ зимыIэ цIыф мин пчъагъэ зиукIыгъэм, зи мыхъугъэм фэдэу Кфар Камэ ипащэхэр мэзекIох.

Мы хьакӏэгъогъум иӏэпэщысэ къеушыхьаты Урысыем изытет куоу къызэрагурымыӏорэр ыкӏи Кфар-Камэ ипащэхэм къыгъэ-делэу зэрэщытхэр.